Хитой ҳукумати монополияга қарши курашиш доирасида смартфонлар учун процессор ишлаб чиқарувчи дунёдаги энг йирик компания —Qualcomm’ни мамлакат тарихидаги рекорд қиймат — 6,09 миллиард юань (тахминан 993 миллион доллар) жаримага тортди. Бу ҳақда ХХР Tараққиёт ва ислоҳот давлат қўмитасига таяниб, ТАСС хабар берди.
«Qualcomm компанияси ноқонуний ҳаракатларини тўхтатиб, ўзининг 2013 йилда Хитой бозоридаги савдо-сотиғининг 8 фоизи ҳажмида 6,088 юань миқдорида жарима тўлашга мажбур», — дейилади давлат қўмитаси расмий хабарида.
Қўмитанинг монополияга қарши курашиш бўйича тергов ишлари давомида маълум бўлишича, Qualcomm ўз маҳсулотларига монопол равишда баланд нархлар қўйган, уларни сотиш ҳақида шартнома тузишда мажбурий бўлмаган шартларни юклаган.
Изоҳ (0)