2015 йилнинг 14 февралида Тошкент вилояти «Чимён» соғломлаштириш маркази (Дор йўли)да биринчи марта Red Bull ЧимRun чанғичи ва сноубордчилар ялпи пойгаси бўлиб ўтади.
Ташкилотчиларнинг «Дарё»га маълум қилишича, пойга тажриба ва ёшидан қатъий назар, барча истовчилар учун ўтказилади. Пойгага 14 февраль куни 13:00 да старт берилади.
Red Bull ЧимRun қоидалари қуйидагича: дастлаб пойганинг барча иштирокчилари ўз сноуборд ва чанғиларини стартдан 80 метр олдинда қолдиради. Товуш орқали сигнал берилгач, улар югуриб, ўз аслаҳа-анжомларига етиб олади ва уларни тақиб, трассадан пастга туша бошлайди. Финишга биринчи бўлиб етиб келганлар ғолиб деб топилади.
Мусобақа «сноуборд» ва «чанғи» дисциплиналарида ўтказилади, уларнинг ҳар бири бўйича аёллар ва эркаклар орасида ғолиблар аниқланади.
Пойгада қатнашиш учун Facebook ва «Одноклассники»да дастлабки рўйхатдан ўтиш керак. Сўнг тадбир куни 11:00 да паспорт нусхаси билан рўйхатдан ўтишга келиш керак. Шунингдек ўзингиз билан бирга аслаҳа-анжомларни келтириш лозим.
Батафсил маълумотни мана бу ердан олиш мумкин.
Изоҳ (0)