Компьютерингиз секин ишлаб, дастурларда носозликлар юзага келаётган бўлса, «Хитрости жизни» нашрининг қуйидаги тавсияларидан фойдаланиб кўришингиз мумкин.
1. Баъзи вируслар дастурлар ишлашига тўсқинлик қилади. Шу туфайли антивирусингиз яхши ишлаб, янгиланиб турганига амин бўлинг. Буни DrWebCureit ёки шунга ўхшаш баъзи дастурлар ёрдамида бепул текшириб кўришингиз мумкин.
2. Компьютер секинлашиб қолганида процессор ҳароратини текшириб кўриш керак. Буни Everest’га ўхшаш дастурлар ёрдамида амалга ошириш мумкин. Бунинг учун дастурни юклаб олиб, ишга туширинг. Менюдаги «Компьютер» бандини, сўнг «Датчик» бандини танланг. У ерда процессор ҳарорати акс этади. Агар у 50 даражадан юқори бўлса, вентиляторлар ишлашини текшириб кўриш, ундан ҳам яхшиси, радиаторни ечиб, процессорга янги термопаста суриш керак, у шу пайтгача қуриб кетган бўлиши мумкин.
3. Компьютерингиз хотирасини у ёқилганида ишга тушган дастурлар «еб» ётган бўлиши мумкин. Гап шундаки қанайдир дастурни ўрнатганингизда у автоматик равишда ишга тушадиган дастурлар рўйхатига кириб қолиши мумкин.
Бунга барҳам бериш учун, «Пуск»га кириб, «Выполнить»ни босинг ва пайдо бўлган ойначага «msconfig» буйруғини киритиб, «ОК»ни босинг. Очилган ойнадаги «Автозагрузка» менюсини танланг, бу ерда кераксиз дастурлардаги барча «галочка»ларни олиб ташланг. Бироқ «ctfmon» ва антивирусингизни қолдиринг. Энди «Применить»ни, сўнг «ОК»ни босинг ва компьютерни қайта юкланг.
4. “C” диски тизим диски бўлиб, у кўпинча 20—30 гигабайт ҳажмда бўлади. Баъзилар эса катта ҳажмдаги мусиқа ва фильмларни иш столи («рабочий стол»)да сақлайди, ахир иш столида турган нарсалар “C” дискидаги жойни эгаллайди. Шу туфайли катта ҳажмли файлларни бошқа дискларда сақланг.
5. Кўп дастурларни ўрнатиш ва ўчириш яхши эмас. Афсуски, дастурларни ўчириш уларнинг компьютердан тўлиқ йўқ қилинганини билдирмаслиги мумкин. Бу эса турли вазифаларни бажаришда процессорга ортиқча юк бўлиб тушади. Бунда CCleaner дастури сизга қўл келиши мумкин.
Бунинг учун уни ишга тушириб, «Реестр» менюсини танланг, барча «галочка»ларни белгилаб, «Муаммоларни қидириш» («Поиск проблем») тугмасини босинг. Шунда дастур реестрдаги кўплаб кераксиз кенгайтмалар ва хатоликларни топиб беради. «Созлаш» («Исправить») тугмасини босиш орқали кераксиз нарсаларни ўчириш мумкин.
Изоҳ (0)