Дунёдаги энг антиқа янги аэропортлар билан танишинг

Сайёрамизда сўнгги йилларда очилган ва очилиши кутилаётган кўплаб ажойиб аэропортлар бор. Эътиборингизга уларнинг ичидан ўзига энг кўп тортувчи терминалларни тақдим этамиз.

Чанги аэропорти (Сингапур): 2018 йилда очилади

2018 йилда очилиши режалаштирилаётган Сингапурнинг янги аэропорти транспорт тугунидан кўра кўпроқ эртаклар мамлакатини эслатади. Канада ва Исроил фуқароси бўлган меъмор Моше Сафди лойиҳаси бўлган «Хазина мажмуаси»да «Ўрмон водийси», «Бойликлар боғлари»,  40 метрлик «Ёмғир воронкаси» шаршараси бўлади. Шиша гумбаз остидаги 134 минг квадрат метр майдонда эса дарахтлар, палмалар ва буталар ўсади. У ердан ҳозирги терминалларга пиёдалар кўприклари орқали ўтиш мумкин бўлади.

Мехико халқаро аэропорти (Мексика): 2018 йилда очилади

Ушбу аэропрт қуриб битказилгач дунёдаги энг йирик аэропортлардан бирига айланади. Терминал 555 минг метр квадрат майдонга қурилади. Лойиҳага АҚШнинг Нью-Мексико штатидаги биринчи шахсий космодром асос қилиб олинган. Бино йиғиш услубида қурилиши ишни тезда якунлаш имконини беради. Янги аэропортда қуёш энергиясидан фойдаланилади, ёмғир сувлари йиғилади, табиий ҳаво алмашинуви ёрдамида қулай ҳарорат таъминланади.

Чхатрапати Шиважи номидаги Мумбай халқаро аэропорти (Ҳиндистон): 2014 йилда очилган

Мумбай аэропортининг янги терминали қурилишида анъанага айланиб бораётган маҳаллий меъморчилик усулларидан фойдаланиш кузатилади. 2014 йил февралда фойдаланишга топширилган терминал устунлари айниқса ўзига хос.

«Баоань» Шэньчжэнь халқаро аэропорти (Хитой): 2013 йилда очилган

Ари уяси шаклидаги сурат билан қопланган ва 1,5 километрга чўзилган терминал скат шаклида лойиҳалаштирилган. Олти қиррали люклар ичкарига кун ёруғлигини ўтказиб, ёғдули фоғлар эффектини ҳосил қилади.

«Чунцин Цзянбэй» халқаро эропорти (Хитой): 2015 йилда очилади

Янги терминал қурилишида яшил зоналарни кўпайтиришга урғу берилган. Бино боғ ҳудудига қурилган, унинг икки қаноти Чунцин шаҳрига оқиб кирадиган иккки дарёни англатади. Қуриб битказилгач, йилига 55 миллион йўловчини қабул қила оладиган аэропрт дунёнинг энг йирик 15 аэропортидан бири бўлади.

«Пулково» халқаро эропорти (Россия): 2014 йилда очилган

Санкт-Петербург аэропортининг янги аэропорти шаҳар меъморчилигига мослаб қурилган. Бино томини кўтариб турган устунлар оғирликни марказдан чеккаларга тақсимлаш имконини беради, бу эса кучли қорбўронларига бардош беришга кўмаклашади. Лойиҳанинг сўнгги қисми 2015 йилда очилгач, аэропорт йилига 17 миллион йўловчини қабул қила олади.

Истанбулнинг янги аэропорти (Туркия): 2019 йилда очилади

Истанбулдаги янги аэропорт 2019 йилда очилиши режалаштирилган: унда олтита учиш-қўниш йўлаги бўлади ва йилига 90 миллион йўловчига хизмат кўрсата олади. Лойиҳа тўлиқ якунлангач эса йилига 150 миллион йўловчини қабул қила олади. Қарийб 100 гектар майдонда жойлашадиган Терминал 1 гумбазсимон том билан қопланади. Меъморларнинг сўзларига кўра, бу бир том остидаги дунёдаги энг йирик аэропорт терминали бўлади. Қурилишда маҳаллий меъморчилик анъаналаридан фойдаланилади.

«Сидзуока» («Фудзи тоғи») аэропорти (Япония)

Фудзи тоғи этагида жойлашадиган аэропорт терминалини япон меъморлари ён-атроф табиатига уйғунлаштирган ҳолда қуришни режалаштирмоқда.