Sayyoramizda so‘nggi yillarda ochilgan va ochilishi kutilayotgan ko‘plab ajoyib aeroportlar bor. E’tiboringizga ularning ichidan o‘ziga eng ko‘p tortuvchi terminallarni taqdim etamiz.
Changi aeroporti (Singapur): 2018-yilda ochiladi
2018-yilda ochilishi rejalashtirilayotgan Singapurning yangi aeroporti transport tugunidan ko‘ra ko‘proq ertaklar mamlakatini eslatadi. Kanada va Isroil fuqarosi bo‘lgan me’mor Moshe Safdi loyihasi bo‘lgan “Xazina majmuasi”da “O‘rmon vodiysi”, “Boyliklar bog‘lari”, 40 metrlik “Yomg‘ir voronkasi” sharsharasi bo‘ladi. Shisha gumbaz ostidagi 134 ming kvadrat metr maydonda esa daraxtlar, palmalar va butalar o‘sadi. U yerdan hozirgi terminallarga piyodalar ko‘priklari orqali o‘tish mumkin bo‘ladi.
Mexiko xalqaro aeroporti (Meksika): 2018-yilda ochiladi
Ushbu aeroprt qurib bitkazilgach dunyodagi eng yirik aeroportlardan biriga aylanadi. Terminal 555 ming metr kvadrat maydonga quriladi. Loyihaga AQShning Nyu-Meksiko shtatidagi birinchi shaxsiy kosmodrom asos qilib olingan. Bino yig‘ish uslubida qurilishi ishni tezda yakunlash imkonini beradi. Yangi aeroportda quyosh energiyasidan foydalaniladi, yomg‘ir suvlari yig‘iladi, tabiiy havo almashinuvi yordamida qulay harorat ta’minlanadi.
Chxatrapati Shivaji nomidagi Mumbay xalqaro aeroporti (Hindiston): 2014-yilda ochilgan
Mumbay aeroportining yangi terminali qurilishida an’anaga aylanib borayotgan mahalliy me’morchilik usullaridan foydalanish kuzatiladi. 2014-yil fevralda foydalanishga topshirilgan terminal ustunlari ayniqsa o‘ziga xos.
“Baoan” Shenchjen xalqaro aeroporti (Xitoy): 2013-yilda ochilgan
Ari uyasi shaklidagi surat bilan qoplangan va 1,5 kilometrga cho‘zilgan terminal skat shaklida loyihalashtirilgan. Olti qirrali lyuklar ichkariga kun yorug‘ligini o‘tkazib, yog‘duli fog‘lar effektini hosil qiladi.
“Chunsin Szyanbey” xalqaro eroporti (Xitoy): 2015-yilda ochiladi
Yangi terminal qurilishida yashil zonalarni ko‘paytirishga urg‘u berilgan. Bino bog‘ hududiga qurilgan, uning ikki qanoti Chunsin shahriga oqib kiradigan ikkki daryoni anglatadi. Qurib bitkazilgach, yiliga 55 million yo‘lovchini qabul qila oladigan aeroprt dunyoning eng yirik 15 aeroportidan biri bo‘ladi.
“Pulkovo” xalqaro eroporti (Rossiya): 2014-yilda ochilgan
Sankt-Peterburg aeroportining yangi aeroporti shahar me’morchiligiga moslab qurilgan. Bino tomini ko‘tarib turgan ustunlar og‘irlikni markazdan chekkalarga taqsimlash imkonini beradi, bu esa kuchli qorbo‘ronlariga bardosh berishga ko‘maklashadi. Loyihaning so‘nggi qismi 2015-yilda ochilgach, aeroport yiliga 17 million yo‘lovchini qabul qila oladi.
Istanbulning yangi aeroporti (Turkiya): 2019-yilda ochiladi
Istanbuldagi yangi aeroport 2019-yilda ochilishi rejalashtirilgan: unda oltita uchish-qo‘nish yo‘lagi bo‘ladi va yiliga 90 million yo‘lovchiga xizmat ko‘rsata oladi. Loyiha to‘liq yakunlangach esa yiliga 150 million yo‘lovchini qabul qila oladi. Qariyb 100 gektar maydonda joylashadigan Terminal 1 gumbazsimon tom bilan qoplanadi. Me’morlarning so‘zlariga ko‘ra, bu bir tom ostidagi dunyodagi eng yirik aeroport terminali bo‘ladi. Qurilishda mahalliy me'morchilik an’analaridan foydalaniladi.
“Sidzuoka” (“Fudzi tog‘i”) aeroporti (Yaponiya)
Fudzi tog‘i etagida joylashadigan aeroport terminalini yapon me’morlari yon-atrof tabiatiga uyg‘unlashtirgan holda qurishni rejalashtirmoqda.
Izoh (0)