АҚШ ҳукумати Украинага Javelin танкка қарши ракеталари, ўқотар қуроллар ва ўқ-дорилар етказиб бериш имкониятини кўриб чиқмоқда, деб ёзади «Европейская Правда» The Wall Street Journal’га таяниб.
Нашр манбаси хабарига кўра, бу борадаги баҳсни АҚШ президентининг миллий хавфсизлик бўйича маслаҳатчиси Сьюзан Райс бошлаган, бироқ масала ҳал этилганича йўқ.
Украинага ўлим олиб келувчи қуроллар етказиб беришга алоқадор мунозара «бу Россия президентини мамлакат шарқидаги айирмачиларга бераётган кўмагини камайтиришга мажбур қиладими ёки аксинча, вазиятни янада беқарорлаштиришга ундайдими?» деган масалада юзага келган.
Javelin танкка қарши ракеталари Украина армиясини янада кўчувчан қилиб, уларга россияпараст айирмачилар томонидан қўлланиладиган танкларга ва бошқа зирҳли машиналарга қарши манёврларни тезлик билан амалга ошириш имконини бериши кутилмоқда.
Изоҳ (0)