Саудия Арабистони 16 январь кунига мўлжалланган активист ва блогер Раиф Бадавийни омма олдида савалашни кейинга қолдирди, деб ёзади «РБК». Бунга унинг тиббий кўрсаткичлари сабаб бўлди.
50 дарра қамчидан иборат дастлабки жазони Бадавий бир ҳафта аввал бошидан ўтказган эди. Жараён жума кунги намоздан сўнг яна қайтарилиши керак эди.
«Саудия либералларига эркинлик» (Free Saudi Liberals) сайти асосчиси Бадавий 2012 йилда кибержиноятларни амалга оширганликда ва ўз отасига қулоқ солмаганликда гумон қилиниб, ҳибсга олинган эди. Ўтган йили блогер 10 йиллик қамоқ жазоси, 1 миллион риал (тахминан 266 минг доллар) миқдорида жарима ва минг дарра қамчига ҳукм қилинган эди.
Изоҳ (0)