Кўпроқ ўзининг бир зумда тасвирларни чиқариб берувчи фотокамералари билан машҳур бўлган Polaroid компанияси CES 2015 кўргазмасида ўзи учун ноодатий бўлган қурилмалар — смартфон ва планшетларни намойиш этмоқда. Бу ҳақда «Ferra.ru»га таяниб, «Kun.uz» хабар бермоқда.
Кўргазмада мазкур компаниянинг икки хил планшети — 7 дюймли сенсорли дисплейга эга бўлган L7 ва 10 дюймли дисплейга эга бўлган L10 планшетлари намойиш этилди. Компания маълумотига кўра, иккала қурилма ҳам тўрт ядроли — «ўта тезкор» процессорлар негизида яратилган. Бироқ бу процессорларнинг ишлаб чиқарувчилари номи айтиб ўтилмаган. Планшетлар Android 5.0 Lollipop операцион тизимида ишлайди.
Бироқ ушбу планшетлар ҳақида кам маълумотлар берилди. Унда фақатгина олд ва орқа камералар (кўрсатиш қобилияти айтилмаган), олд динамиклар, Wi-Fi ва Bluetooth симсиз алоқа функциялари ва «узоқ вақт автоном ҳолда ишлаши» кўрсатиб ўтилди, холос. Бу қурилмалар нархининг арзонлиги билан қолган қурилмалардан фарқланиб туради: Polaroid L7 ва L10 мос равишда 99,99 доллар ва 149,99 доллар қилиб белгиланган. Қурилмалар АҚШда баҳор фаслида сотувга чиқарилади.
Изоҳ (0)