Жанубий Кореянинг LG компанияси ўз логотипига баъзи ўзгартиришларни киритди, дея хабар бермоқда The Verge.
Логотипда мавжуд бўлган «LG» номидаги G ҳарфи ўзининг машҳур илмоғидан айрилиб, замонавийроқ кўринишга эга бўлди. L ҳарфи ҳам аввалгидан кўра «озғинроқ» шаклга келтирилди. Ҳар иккала ҳарфни акс эттирган доирача эса ўзгаришсиз қолди.
LG ўз логотипидаги янгиланишлар ҳақида Кореяда декабрь охирида маълум қилган эди. Компания вакили сўзларига кўра, жамоатчилик нигоҳи остидаги барча белгилар ўзгартирилади, компания ходимлари ҳам янги бизнес карточкалар билан таъминланади.
Изоҳ (0)