9to5Mac портали Apple бутунлай янги дизайн, каттатоқ резолюцияга эга экран ва яна бошқа кўплаб янгиликлардан иборат 12 дюймли MacBook Air’ни тақдим этиши ҳақида маълум қилди.
Мақола расмий маълумотларга таянмаган, бироқ унга Купертинодаги инсайдерлар билан алоқалари борлиги бўйича таниқли Марк Гурман муаллифлик қилди.
Унинг ёзишича, янги 12 дюймли ноутбук 13 дюймли моделдан ингичкароқ, 11 дюймлисидан эса энсизроқ бўлади. Шу билан бирга, унинг баландлиги ҳам ошади.
Клавиатура формати ўзгариб, у ноутбукнинг бутун кенглиги бўйича жойлашади. Шунингдек, клавишлар орасидаги масофалар ҳам қисқартирилди.
Бундан ташқари, янги MacBook Air’да тўлиқ ҳажмли USB бўлмайди, унинг ўрнига USB Type-C қўлланилади.
12 дюймли MacBook Air 2015 йил ўрталарида, OS X’нинг янги версияси тақдимоти билан бир вақтда намойиш этилиши кутилмоқда.
Изоҳ (0)