6 январь куни Тошкентдаги Беруний ва Шифокорлар кўчалари кесишган чорраҳадаги ишламай қолган светофор ўрнига «Makro» супермаркети ходимлари йўл ҳаракатини бошқариб турди. Бу ҳақда Facebook’даги «Водители Ташкента» гуруҳи аъзоларидан бири маълум қилди.
Хабар остига изоҳ қолдирган бошқа гувоҳларнинг сўзларига кўра, светофор электр токидаги узилиш туфайли ишламай қолган ва электр қайта келгач ҳам ишламай турган. Ушбу ҳудудда жойлашган супермаркет автотураргоҳи ходимлари эса вазиятни қўлга олиб, тез орада тирбандликни тақатиб юборган ва кейин ҳам ҳаракатни бошқариб турган.
Изоҳ берувчиларнинг аксарияти светофор вазифасини бажариб турган супермаркет ходимларига миннатдорчилик изҳор қилган. Шу билан бирга қоронғу кечада ёруғлик қайтарувчи махсус жилетлар кийиш мақсадга мувофиқ бўлганини ҳам таъкидлашган.
Изоҳ (0)