AirAsia лайнерининг ҳалок бўлган йўловчилари билан хайрлашиш маросими ҳалокат содир бўлган жойда ўтказилади

AirAsia Indonesia авиакомпаниясининг Яван денгизида ҳалокатга учраган самолёти қурбонларининг қариндошлари иштирокида фожеа юз берган жойда гул қўйиш маросими ўтказилади, деб хабар бермоқда «Segodnya.ua».

Hercules ҳарбий самолёт ҳалок бўлган йўловчиларнинг қариндошларини Сурабаядан Панкаланбуунгача олиб боради, у ердан улар йўлни ҳарбий кемада давом эттиришади.

Эслатиб ўтамиз, Air Asia компаниясига қарашли Airbus А320-200 авиалайнери 2014 йилнинг 28 декабрь куни Сурабаядан (Индонезия) Сингапурга парвоз вақтида диспетчерлик радарларидан йўқолган. Самолёт бортида 155 нафар йўловчи ва 7 нафар экипаж аъзоси бўлган.