Актриса Гулчеҳра Эшонқулова халқаро анжуман меҳмони бўлди

10—14 декабрь кунлари Туркиянинг Истанбул шаҳрида XVI Қурултой ва Туркий Халқлар Ёшлари куни бўлиб ўтди, деб хабар беради «Mediabay.uz».

Тадбирда 40 дан ортиқ мамлакатдан келган иштирокчилар ўзининг санъати ва маданияти намойиши билан қатнашди. Ўзбекистондан вакил сифатида актриса Гулчеҳра Эшонқулова иштирок этди. Тадбир давомида ўзбек кино ижодкорлари томонидан суратга олинган «Рашк» картинаси учун яратилган саундтрек олқишларга сазовор бўлди.

Бу йил Истанбулда ўтказилган мазкур Қурултой Халқлар Ёшлари Ҳамжамияти томонидан ташкиллаштирилган бўлиб, унинг бош офиси Озарбайжонда жойлашган.

Қурултойнинг сўнгги куни Истанбул шаҳридаги «Ауга» ресторанида махсус ташкил этилган «Имзо» кунида Гулчеҳра Эшонқулова у ердаги ҳар бир мухлиси учун ўз дасхатини тақдим этди.