АҚШнинг Нью-Йорк шаҳрида Шимолий Корея етакчиси Ким Чен Иннинг қатл этилиши ҳақида ҳикоя қилувчи «Интервью» фильми премьераси бекор қилинди, дея хабар бермоқда Variety. Нашрнинг аниқлик киритишича, бундай қарор хакерларнинг намойиш вақтида теракт уюштириш ҳақидаги таҳдидлари туфайли қабул қилинди. Премьера 2014 йил 18 декабрь куни Sunshine Cinema кинотеатрида бўлиб ўтиши керак эди.
Картинада бош ролларни ижро этган Жеймс Франко ва Сет Роген ўтган ҳафта фильмнинг Лос-Анжелесдаги премьерасига ташриф буюрди ва тадбир тинч ўтганини таъкидлади. Шунга қарамай, Америкадаги кинотеатр тармоқларининг баъзилари «Интервью»ни намойиш этишдан бош тортмоқда.
Эслатиб ўтамиз, ушбу фильмдан олинган Ким Чен Ин ўлими акс этган лавҳа 15 декабрь куни интернетда пайдо бўлди. Эртаси куни аноним хакерлар Sony Pictures компаниясига мурожаат юбориб, премьера вақтида теракт уюштириш ҳақида таҳдид этди.
Изоҳ (0)