Владимир Путин Россияга босим ўтказишга уринаётганларнинг қўли қисқа эканлигини маълум қилди, деб хабар бермоқда «Корреспондент.net» ТАСС ахборотига таяниб.
«Россияга барча томондан ‘босим ўтказишаётганига’ тўхталсак, бизга ҳеч ким босим ўтказмаяпти, лекин шунга ҳаракат қилишмоқда. Яна шуниси аниқки, мазкур ҳаракатлар барча томондан амалга оширилмаяпти: барча томонларни қамраб олиш учун уларнинг қўли қисқалик қилади», — деди Россия раҳбари.
Шунингдек, Путин инсон ҳуқуқлари, бола ва тадбиркорлар ҳуқуқларини ҳимоя қилиш бўйича мансабдор шахслар билан бўлиб ўтган учрашувда Александр Солженициннинг сўзларини келтириб ўтди: «Россияни ёқлашнинг вақти келди. Акс ҳолда, уларнинг дўқ-пўписасини деб юракни бутунлай олдириб қўйишимиз мумкин».
«Ўзини ватанпарвар деб ҳисоблаган ҳар қандай инсон атрофда содир бўлаётган воқеаларга холис баҳо бериши керак», — деб қайд этди Путин. Бундан ташқари, Россия етакчиси вазиятларга уларга мувофиқ тарзда жавоб қайтариш кераклигини, ҳар қандай ҳолатда ҳам ўз нуқтайи назарига эга бўлиш лозимлигини айтди.
Изоҳ (0)