Vladimir Putin Rossiyaga bosim o‘tkazishga urinayotganlarning qo‘li qisqa ekanligini ma’lum qildi, deb xabar bermoqda “Korrespondent.net” “TASS” axborotiga tayanib.

“Rossiyaga barcha tomondan ‘bosim o‘tkazishayotganiga’ to‘xtalsak, bizga hech kim bosim o‘tkazmayapti, lekin shunga harakat qilishmoqda. Yana shunisi aniqki, mazkur harakatlar barcha tomondan amalga oshirilmayapti: barcha tomonlarni qamrab olish uchun ularning qo‘li qisqalik qiladi”, — dedi Rossiya rahbari.

Shuningdek, Putin inson huquqlari, bola va tadbirkorlar huquqlarini himoya qilish bo‘yicha mansabdor shaxslar bilan bo‘lib o‘tgan uchrashuvda Aleksandr Soljenitsinning so‘zlarini keltirib o‘tdi: “Rossiyani yoqlashning vaqti keldi. Aks holda, ularning do‘q-po‘pisasini deb yurakni butunlay oldirib qo‘yishimiz mumkin”.

“O‘zini vatanparvar deb hisoblagan har qanday inson atrofda sodir bo‘layotgan voqealarga xolis baho berishi kerak”, — deb qayd etdi Putin. Bundan tashqari, Rossiya yetakchisi vaziyatlarga ularga muvofiq tarzda javob qaytarish kerakligini, har qanday holatda ham o‘z nuqtayi nazariga ega bo‘lish lozimligini aytdi.