Япония бош вазири Синдзо Абэ Хоккайдо оролидаги Немуро шаҳри мэри билан учрашувда «нима қилиб бўлса ҳам» Россия билан ҳудудий баҳсни ҳал қилмоқчи эканлигини маълум қилди, дея хабар бермоқда «Корреспондент.net» Kyodo агентлигига таяниб.
Немуро мэри эса ўз навбатида Абэ бу масалани ўзининг бош вазирлик ваколати даврида амалга оширишига умид билдирди.
Нашрнинг эслатишича, май охирида Владимир Путин Россия Япония билан мунозарали ороллар бўйича музокараларни давом эттиришга тайёрлигини айтган эди.
Россия ва Япония ўртасида Иккинчи жаҳон уруши давридан буён тинчлик сулҳи тузилмаган. Бунга Жанубий Курил оролларининг кимга қарашлилиги бўйича баҳс асосий тўсиқ бўлиб қолмоқда.
Изоҳ (0)