Таиланднинг Каласин провинциясидаги мактаб фарроши «уни кўп койигани учун» муассаса директорини отиб ташлади, дея хабар бермоқда «РИА Новости» Таиланд ОАВларига таяниб.
Хабарларга кўра, фаррош ўз аммакиваччасининг дафн маросимидан чиқиб, мактабга қайтиб келган. Дарслар тугаганидан сўнг ошхонада бошқа ўқитувчилар билан бирга ичиб олган директор фаррошни ишда узоқ вақт бўлмагани учун ҳақоратлай бошлаган. Фаррош у билан баҳслашиб қолган ва уйига кетиб қолган.
У ярим соатдан сўнг уйидан тўппонча олиб қайтиб келган ва ўзига яна ҳақоратлар ёғдира бошлаган мактаб директорини яқин масофадан туриб саккиз марта нишонга олган. Шундан сўнг фаррош яширинишга уринмаган, кечки пайтда ўз уйида қолган. Полиция уни ўша ердан топган.
Қотил ўз қилмишини тан олди ва буни мактаб директори уни «тез-тез ва узоқ вақт ҳақоратлагани» билан изоҳлади.
Изоҳ (0)