КХДР қирувчи авиациясининг аёллар бўлинмасида мамлакат етакчиси Ким Чен Ин раҳбарлиги остида илк ўқув машқлари ўтказилди, дея хабар бермоқда «РИА Новости» «Ренхап» агентлигига таяниб.
Учувчи қизлар қирувчи самолётларни учириш ва қўндириш бўйича алоҳида топшириқларни муваффақият билан бажарди. Хабар қилинишича, учувчи қизлар Ким Чен Иннинг буйруғи билан бир неча ой аввалгина машғулотларга киришган.
Аёллар эскадрильяси Шимолий Корея армиясида 1993 йилдаёқ шакллантирилган. Ўша пайтларда учувчи аёллар парракли двигателга эга эскирган самолётларни ишлатган бўлса, эндиликда улар замонавий товушдан тез учадиган қирувчи самолётларда парвоз қилади.
Изоҳ (0)