KXDR qiruvchi aviatsiyasining ayollar bo‘linmasida mamlakat yetakchisi Kim Chen In rahbarligi ostida ilk o‘quv mashqlari o‘tkazildi, deya xabar bermoqda “RIA Novosti” “Renxap” agentligiga tayanib.
Uchuvchi qizlar qiruvchi samolyotlarni uchirish va qo‘ndirish bo‘yicha alohida topshiriqlarni muvaffaqiyat bilan bajardi. Xabar qilinishicha, uchuvchi qizlar Kim Chen Inning buyrug‘i bilan bir necha oy avvalgina mashg‘ulotlarga kirishgan.
Ayollar eskadrilyasi Shimoliy Koreya armiyasida 1993-yildayoq shakllantirilgan. O‘sha paytlarda uchuvchi ayollar parrakli dvigatelga ega eskirgan samolyotlarni ishlatgan bo‘lsa, endilikda ular zamonaviy tovushdan tez uchadigan qiruvchi samolyotlarda parvoz qiladi.
Izoh (0)