Голливуд режиссёри Оливер Стоун Россия президенти Владимир Путин ҳақида ҳужжатли фильм тайёрламоқчи ва америкаликларга кўп воқеаларга муқобил нуқтаи назарни кўрсатиб бермоқчи. Бу ҳақда «РИА Новости» хабар бермоқда.
Стоун ўткир сиёсий мавзулардаги фильмларни суратга оладиган режиссёр сифатида таниқлидир. АҚШ президентлари Ричард Никсон, Жон Кеннеди, Жорж Буш унинг қаҳрамонлари бўлган.
«Мен Путин ҳақида бадиий фильм суратга олмоқчи эмасман. Аммо америкаликлар эшитишни истамаётган нуқтаи назарни кўрсатиб бериш учун ундан интервью олган бўлардим. Мен у ҳақда ҳужжатли фильм тайёрлаган бўлардим», — деди Стоун.
Изоҳ (0)