Меҳнат бозоридаги рақобат кундан-кунга сезиларли ўзгараётган ва такомиллашиб бораётган замонавий даврда, мутахассисларга олий ўқув юрт муассалари томинидан иш ва ўқишни бирлаштирган ҳолда қўшимча билим ва малакаларга эга бўлиш, иш лавозимини кўтаришга ёрдам берадиган ва янги имкониятлар эшигини очувчи турли хилдаги машғулот дастурлари яратилиши кескин ривожланиб бормоқда.
Хусусан, Ўзбекистондаги илғор университетлардан бири ҳисобланувчи Тошкент Халқаро Вестминстер Университети (ТХВУ) турли соҳаларда билим ва малакаларини оширишни хоҳлаган ёшлар учун «Халқаро бизнес ва менежмент» (MAIBM) ва «Халқаро тижорий ҳуқуқ» (LLM) йўналишларида магистратура дастурларини тақдим этади. Дастурлар иш жойларида ва халқаро бизнесга алоқадор соҳаларда юксак ютуқларга эришишни хоҳлаганлар учун мукаммал имкониятдир.
Ушбу магистрлик дастурларининг ўзига хослиги шундаки, талабаларнинг катта қисмини камида 1 йиллик иш тажрибасига эга бўлган мутахассис ва менежерлар ташкил этади. Шуни эътироф этиш керакки, талабаларга янада кўпроқ қулайликлар яратиш учун, иш ва таълим фаолиятини бирлаштирган ҳолда дарс ва машғулотлар кечки соатларда ўтказилади.
Собиқ магистрант, ҳозирда эса Simple Networking Solutions компаниясининг раҳбари Фарҳод Файзуллаев ўзининг ўқиш ҳақидаги таассуротларини шундай ифода этди:
Вестминстерда ўқиш менинг шахсий бизнесдаги муваффақиятларимга катта туртки бўлиб, соҳам бўйича янги таниш ва ҳамкорлар ортиришга ёрдам берди. Мен ходимлар ёллашни, уларни қандай қилиб унумли бошқаришни ва жамоавий иш тизимини яратишни ўргандим. Айни пайтда фирмамда исталган ходим, ўзининг ҳамкасби бўладими ёки шахсан мен билан, янги ғоялар ва муаммолар ҳақида бемалол суҳбатлаша олади. Ходимларим раҳбариятга танқидий фикрларини ҳам бемалол билдиришлари мумкин.Яна бир эътиборни тортадиган жиҳатлардан бири, бу ўқишга қабул қилиш бир йилда икки маротаба бўлиб ўтишидир – қиш ва кузда. Қишки қабул 2014 йил 25 ноябрь, кузги қабул эса 2015 йил 30 август ойигача бўлиб ўтади. ТХВУдаги магистратура ҳақида кўпроқ маълумотга университет сайтидаги махсус саҳифадан эга бўлиш мумкин. Шунингдек, магистратура дастурларига бағишлаб ўтказиладиган «Магистрлар куни» тадбирига ташриф буюришингиз мумкин. Тадбир 20 ноябрь куни соат 18:30да ТХВУнинг асосий биносида бўлиб ўтади. Рўйхатдан университет сайтидаги махсус саҳифа орқали ўтиш мумкин.
Тошкент Халқаро Вестминстер Университети 2002 йил Ўзбекистон Республикаси Президенти ташаббуси билан ташкил этилиб, республикада халқаро таълимнинг кашфиётчисига айланди. Ҳозирда мамлакатимиздаги етти халқаро олийгоҳлардан бири бўлиб, яқин келажакда университет ўз таълим хизматлари тўпламини янада кенгайтирган ҳолда, «Электроника инжиниринги», «Молия», «Халқаро иқтисодиёт», «Бизнес таҳлили», «Таълим менежменти» ва «Инглиз тили ўқитиш услублари» каби янги дастурларни тақдим этишни режалаштирган.
Изоҳ (0)