Дунёда биринчи марта инсон чарчаганлик даражасини аниқловчи маиший техника воситаси ихтиро қилинди, дея хабар берди ТАСС.
Бу мослама ўйин қурилмаларини ишлаб чиқарувчи Nintendo корпорацияси томонидан яратилган бўлиб, у чарчаганлик даражасини аниқлайди ва уйқу чуқурлигини назорат қилади. Корпорация президенти Сатору Ивата ушбу мослама тез орада сотувга чиқарилиши режалаштирилаётганини қайд этди.
Мослама тўшак ёнига қўйилади, микротўлқин нурланишлар орқали ухлаётган одам нафаси, пульси ва бошқа нарсаларни кузатади. Олинган маълумотлар серверга юборилади ва таҳлил қилингандан сўнг аппарат эгасига унинг чарчаганлик даражаси ва бу ҳолатни яхшилаш учун рациондаги овқатлар таркибини ўзгартириш, жисмоний машқлар бажариш ва бошқа маслаҳатларни беради.
Мослама 2015 йилдан сотувга чиқарилади, нархи ҳам ўшанда маълум бўлади. Корпорация бозорда ўйин қурилмалари сотуви камайгани сабабли соғлиқни назорат қилувчи мосламалар турини кўпайтиришни режалаштирган.
Изоҳ (0)