Қуёшдаги ниҳоятда катта ҳажми билан олимларни хавотирга солган доғ яқинида чақнаш содир бўлди. NASA маълумотларига кўра, мазкур чақнашлар Ернинг магнит майдонига сезиларли даражада таъсир кўрсатиши мумкин, деб хабар бермоқда «РИА Новости».
Қуёшдаги йирик доғ жорий йилнинг октябрь ойида аниқланиб, АR 2192 номини олди. Ушбу доғ бир неча кун давомида жуда тез катталашиб, диаметри бўйича Юпитер ҳажмига, яъни 140 минг километрга етди. Мутахассислар бу 2008 йил январидан бери кузатилган энг катта доғ эканлигини таъкидлади.
NASA’да қайд этилишича, мазкур доғ ҳозирга қадар бир нечта кучли чақнашларга сабаб бўлган. Бундай чақнашлар яқин кунларда яна такрорланиши мумкин. Бу эса Ернинг магнит майдонига таъсир қилиб, бутун дунё учун маълум муаммоларни келтириб чиқариши эҳтимоли борлиги қайд этилди.
Олимларнинг айтишича, Қуёш айни дамда ҳайратга соладиган ранглардан иборат ҳолатга кирган бўлиб, уни Ер сайёрасининг айрим нуқталаридангина кузатиш мумкин.
Изоҳ (0)