Италия Олий суди дизайнерлар Доменико Дольче ва Стефано Габбанани солиқ тўламаганлик айблови бўйича оқлади, деб хабар бермоқда ТАСС.
Дизайнерлар 2010 йилдан бери асл даромадларини бекитганликда ва солиқларни тўламаганликда айбланиб келар эдилар. Италия прокуратураси Дольче ва Габбана солиқ органларидан 1 миллиард евро миқдоридаги даромадни бекитганлигини маълум қилган эди. Модалар уйи киримлари енгиллаштирилган солиқ тизимига эга бўлган Люксембургда рўйхатдан ўтган «Гадо» белгисининг шўба корхонасига тушган.
2014 йилнинг апрель ойида апелляция суди дизайнерларни 18 ойлик шартли муддатга қамоқ жазосига ҳукм қилган эди.
Доменико Дольче ва Стефано Габбана моделлик бизнесида молиявий айбловга учраган биринчи юлдузлар эмас. 2009 йилда дизайнер Валентино Гарвани давлат хазинасига 33 миллион евро тўламаганлиги учун жаримага тортилган эди.
Изоҳ (0)