Шаҳзода Уильямс ва унинг рафиқаси Кейт Миддлтоннинг фарзанди Жорж Буюк Британияда энг севимли болакай деб эътироф этилди. Бу ҳақда маркетинг тадқиқотлари билан шуғулланувчи YouGov компаниясига асосланиб Hellо! журнали хабар берди.
Кембриж шаҳзодаси Жоржни сўралганларнинг 32 фоизи мамлакат эркатойи деб атаган бўлса, 18 фоизи Виктория ва Дэвид Бекхэмнинг қизи Харперни бундай эътирофга лойиқ кўрди.
Бундан ташқари, Буюк Британиядаги энг яхши ота-оналар рейтинги ҳам тузилди. Актёр Колин Фёрт овозларнинг 20 фоизини тўплаб, энг намунали отага айланди. Энг яхши она эса актриса Холли Уиллоуби (24 фоиз) бўлди.
YouGov компаниясининг сўровларида Буюк Британиянинг 2050 нафар катта ёшли фуқаролари иштирок этди.
Изоҳ (0)