Лавозими муддати 2016 йил декабригача бўлган БМТ Бош котиби Пан Ги Мунга навбатдаги иш ўрнини топиб беришди, дея хабар бермоқда Segodnya.ua. Сўровлар натижаларига кўра, ватандошлари у Жанубий Кореянинг навбатдаги президенти бўлишини истайди.
Пан Ги Мун БМТни кетма-кет иккинчи беш йиллик муддат билан бошқармоқда. Ушбу муддат 2016 йилда якунланади ва халқаро ташкилот қоидаларига кўра, у бу лавозимга қайта сайлана олмайди.
Жанубий Корея президентлигига сайловлар эса 2017 йил охирида бўлиб ўтади. Аввалроқ Пан Ги Мун Жанубий Корея ташқи иқтисодий идорасида ишлаб ташқи ишлар вазири лавозимигача етиб борган.
Hangil Research тадқиқот жамғармаси сўровлари Жанубий Корея аҳолисининг 39,7 фоизи Пан Ги Мунни мамлакатнинг бўлғуси президенти сифатида кўришни исташини маълум қилди. Унинг рақобатчилари бундан 3—4 баробар камроқ натижа кўрсатган.
Изоҳ (0)