Россия Бош прокуратураси франциялик терговчиларга Москванинг «Внуково» аэропортида Falcon самолётининг ҳалокатга учраши билан боғлиқ ҳодиса текширувида иштирок этишга рухсат берди. Бу ҳақда Россия Бош прокуратураси вакилига таяниб Gazeta.ru маълум қилди.
«Россия Федерацияси Жиноят-процессуал кодексининг 151 ва 457-моддаларига мувофиқ равишда ҳуқуқий ёрдам ҳақида сўров бажарилиш учун РФ Тергов қўмитасига йўналтирилди», — деди вакил.
Эслатиб ўтамиз, 21 октябрга ўтар кечаси Total корпорацияси президенти Кристоф де Маржери ва уч экипаж аъзоси ўрин олган енгил двигателли самолёт «Внуково» аэропортида қор тозаловчи машина билан тўқнашиб кетиши оқибатида самолётдаги барча кишилар ҳалок бўлган эди.
«Қора қути»даги маълумотлар таҳлили экипажнинг ҳаракатларида ҳеч қандай хатоликни топмади ва улар кўрсатмалар бўйича ҳаракатланганини тасдиқлади.
Изоҳ (0)