Севгилиси билан жанжаллашиб қолган тамбовлик йигит Москвадаги Курский вокзалини миналаштирганини айтиб, шу орқали ярашиб олмоқчи бўлди, деб хабар бермоқда «РИА Новости».
20 октябрь куни Москва вақти билан соат 10:15 да номаълум шахс полицияга қўнғироқ қилиб, Курский вокзалидан йўлга чиқишга тайёрланаётган Москва-Крутое электр поездида бомба борлигини айтган. Бир ярим соатдан кейин у яна қўнғироқ қилиб, агар 2 миллион доллар берилмаса Горький йўналишидаги яна икки электр поездига бомба қўйишини маълум қилган. Яна 40 дақиқадан кейин эса Курский вокзалининг ўзига ҳам бомба қўйилганини айтган. Учала хабар ҳам ёлғон бўлиб чиққан.
«Ёлғон террорчи» Москва-Крутое электр поездининг вагонларидан бирида қўлга туширилган. У 23 ёшли Тамбов шаҳридан келган йигит эканлиги аниқланган. Унинг сўзларига кўра, бу йўл билан ўзи жанжаллашиб қолган севгилисидан кечирим сўрамоқчи бўлган. Айбланувчи катта миқдордаги жарима тўлаши ёки уч йилгача озодликдан маҳрум этилиши мумкин.
Изоҳ (0)