Apple компанияси 16 октябрь куни iPad mini линейкасидаги учинчи авлод планшетини расман тақдим этди. Бу ҳақда Phonearena.com маълумотига асосланиб «Пароль» нашри хабар берди.
Янги iPad mini планшетида 7,9 дюймли диплсей, 64 битли Apple А7 процессори, 1 Гб тезкор ва 16/64/128 Гб ички хотира, 1,2 мегапикселли олд ва 5 мегапикселли орқа камера, қуввати 10 соатга етадиган батарея, TouchID — бармоқ изи сенсори ўрнатилган. Шунингдек, унинг тилла рангли тури ҳам мавжуд.
Ушбу планшетни 17 октябрдан бошлаб буюртма қилиш ва 24 октябрдан сотиб олиш мумкин. Қуйида унинг нархлари билан танишсангиз бўлади:
- 16 Гб хотирали iPad mini 3 Wi-Fi / LTE — 399 доллар / 529 доллар;
- 64 Гб хотирали iPad mini 3 Wi-Fi / LTE — 499 доллар / 629 доллар;
- 128 Гб хотирали iPad mini 3 Wi-Fi / LTE — 599 доллар / 729 доллар.
Изоҳ (0)