Хитойдаги автобуслардан бирида кузатув камераси аёл кишининг қўлида телефон портлаб кетган лаҳзани тасмага муҳрлади, дея хабар бермоқда Mail.ru.
Ҳодиса аёл телефон аккумуляторини алмаштираётган пайтда содир бўлди. Қурилма йўловчининг қўлида бирдан ёниб кетди, аёл уни автобусдан ташқарига чиқариб кетишга шошилди. Бошқа йўловчилар ҳам автобусдан тушишга ошиқди.
Маълум бўлишича, ҳеч ким жабр кўрмаган. Воқеа рўй берган Сичуань провинцияси ҳукумати эса аҳолини арзон қурилма ва батареялар сотиб олмасликка чақирди.
Телефонлар ёниб кетиши билан боғлиқ ҳодисалар Хитойда аввал ҳам содир бўлган. Чунончи, 2007 йилда кўкрак чўнтагида телефон портлаб кетиб, унинг парчалари юракка бориб тегиши натижасида ёш йигит ҳалок бўлган. 2009 йилда эса хитойлик эркак телефонда суҳбатлашаётган пайтда у портлаб кетган. Эркак бўйин артериясидан жароҳат олиб вафот этган.
Изоҳ (0)