«Ўзбекистон ҳаво йўллари» миллий авиакомпанияси тез орада халқаро Visa карталаридан фойдаланган ҳолда онлайн режимда чипталар сотишни бошлайди. Бу ҳақда Ўзбекистон Республикаси Ташқи иқтисодий фаолият миллий банки матбуот хизматига таяниб, UzDaily хабар берди.
Банк миллий авиакомпания билан ҳамкорликда халқаро Visа карталари орқали электрон тижорат бўйича лойиҳани ишга туширишга тайёргарлик кўрмоқда.
Ушбу лойиҳа бутун дунёдаги Visa картаси эгаларига «Ўзбекистон ҳаво йўллари» чипталарини интернет орқали буюртма қилиш имконини беради.
Таъкидлаш жоиз, яқин кунларда банк Visa халқаро чипли карталарни муомалага киритишни ҳам режалаштирмоқда.
Изоҳ (0)