Италиядаги оммабоп La Repubblica кундалик газетасида шарҳловчи Донателло Такконеллининг ранг-баранг суратлар илова қилинган мақоласи чоп этилди. Унда муаллиф ўзбек халқининг бой тарихий-маданий мероси, мамлакатимиздаги меъморий ёдгорликлар, урф-одатлар ва маданият ҳақида ҳикоя қилади. Бу ҳақда «Ўзбектуризм» миллий компанияси сайти хабар берди.
Унда таъкидланишича, Самарқанд, Бухоро, Хива ва Тошкент Ўзбекистонга саёҳат чоғида ташриф буюрилиши шарт бўлган шаҳарлардир. Мақолада уларнинг ҳар бири таъриф-у тавсиф қилинади.
Муаллиф ўзининг Ўзбекистонга сафари таассуротлари билан бўлишар экан, ривожланган сайёҳлик инфратузилмаси, Шарқ бозорининг ўзига хос жиҳатлари, масжид ва минораларнинг гўзаллиги, ўзбек халқининг меҳмондўстлигини алоҳида тилга олади.
Изоҳ (0)