Жанжалкашлиги билан машҳур бўлган америкалик боксчи Шеннон Бриггс IBF, WBA, WBО ва IBО версиялари бўйича жаҳон чемпиони Владимир Кличко иштирокида навбатдаги можарони келтириб чиқарди, дея хабар бермоқда Sport-express.ru YouTube’га жойланган видеога асосланиб.
Бриггс эшкак эшиш билан шуғулланаётган украиналик спортчи ёнига моторли қайиқда бориб, «Сени рингда кутаман», деган бақириқлар билан унинг атрофида айлана бошлади. Натижада тўлқинлар ҳосил бўлиб, Кличко мувозанатини йўқотди ва сувга ағанаб тушди. Шундан сўнг у Бриггсга «чегарадан ўтиб кетгани»ни айтди.
Нашрнинг эслатишича, аввалроқ Бриггс Кличко овқатланаётган ресторанга бостириб кириб, унинг қаршисига ўтирган, уни ҳақоратлаб, таомидан олиб еган эди. Кличко эса унинг устидан сув қуйиб юборган. Ўшанда боксчиларни тезда ажратишгани учун иш муштлашувгача бормаган эди.
Изоҳ (0)