Октябрь ойидан бошлаб Польшадаги маҳбусларга дўст ва қариндошлари билан алоқада бўлиб туриш учун Skype интернет-телефония хизматидан фойдаланишга рухсат берилди, дея хабар бермоқда ТАСС.
Ушбу лойиҳа ташаббускорларининг айтишича, «қамоқхона хизмати замон билан ҳамнафас ҳолда иш кўрмоқда ва маҳбусларнинг ўз яқинлари билан мулоқотда бўлишини енгиллаштирмоқчи». Аввал маҳбуслар фақат хат ёзиши, баъзан қўнғироқ қилиши ва жуда камдан-кам ҳолларда юзма-юз учрашиши мумкин эди.
Янги усул дастлаб Польшадаги турмалардан фақат биттасида синаб кўрилди. Раҳбарият замонавий технологияларнинг фақат ижобий жиҳатини кўргач, бу алоқа воситасини мамлакатдаги бошқа шундай муассасаларга жорий этишга қарор қилинди.
Белгиланган меъёрларга кўра, Skype’дан биринчи навбатда, 15 ёшгача бўлган фарзандлари бор маҳбуслар, шунингдек чет элликлар ва қандайдир сабабларга кўра камдан-кам хабар олинадиган маҳбуслар фойдаланиши мумкин. Улар Skype орқали ўртача бир ойда бир неча марта қўнғироқларни амалга ошириши мумкин. Қўнғироқлар сони қамоқхона тури ва маҳбус категориясидан келиб чиқиб белгиланади.
Изоҳ (0)