Россия президенти Владимир Путин 7 октябрь, туғилган кунида ўзига таътил олди, дея хабар бермоқда «РИА Новости» президент матбуот котиби Дмитрий Песков баёнотига таяниб.

Foto: “RIA Novosti”

Фото: «РИА Новости»

«Бугун у Сибирга, Сибирь тайгасига учиб кетади… Президент (туғилган кунида) дам олади», — деди Песков.

Унинг аниқлик киритишича, давлат раҳбарининг туғилган кунига «ҳеч қандай хизмат ёки расмий тадбирлар режалаштирилмаган».

«Қўнғироқ қилмоқчи ёки телеграмма жўнатмоқчи бўлганлар, ҳар йилгидек буни амалга оширишлари мумкин. Биз самимий тилаклар битилган жуда кўп мактублар, табрикномалар оламиз», — дея қўшиб қўйди Песков.

Нима сабабдан Путин туғилган кунида биринчи марта дам олишга қарор қилгани ҳақидаги саволга жавобан, Песков унинг иш графиги ҳар йили шу куни турли хизмат тадбирлари билан банд бўлишини, бу йил эса президентнинг кун тартиби сафарлар ва парвозлар билан янада тиғиз эканлигини таъкидлади. «У бу йил ўз туғилган кунини шундай нишонлашга қарор қилди», — деди Песков.