Лондондаги Honky Tonk ресторани юпқа зарварақ, денгиз қисқичбақаси ва икра билан безатилган дунёдаги энг қимматбаҳо гамбургерни тайёрлади, дея хабар бермоқда The Telegraph.

Мармарсимон вагью мол гўшти ва буғу гўштидан қилинган 1100 фунт стерлинглик таомни тайёрлаш учун уч ҳафта вақт кетди. У Record Setters томонидан дунёдаги энг қиммат гамбургер деб эътироф этилди.

Honky Tonk ресторани ўз пазандалик ижод маҳсулини «Гламбургер» деб атади. Унга кетган сарф-харажатни қоплаш учун ресторан янги гамбургерни тансиқ таомлардан иборат швед столи таомномасига киритишга қарор қилди.