Ўзбекистон ва Жазоир Сайёранинг бугунги имкониятларига тўлиқ мувофиқ равишда яшамоқда, Бутунжаҳон ёввойи табиат фонди (WWF)нинг «Тирик табиат» маърузасидаги маълумотлар бундан дарак бермоқда, деб ёзади 12news.uz.
«Тирик табиат» сайёрамизнинг ҳолати ҳақидаги дунёда энг кўп мурожаат этиладиган манбалардан биридир. У Ер «саломатлиги»ни иккита асосий кўрсаткич: тирик табиат индекси ва кишиларнинг атроф-муҳитга таъсири даражаси бўйича баҳолайди. Маъруза икки йилда бир марта эълон қилинади.
WWF экспертлари маълумотларига кўра, агар ҳар бир киши Қувайтдаги ўртаҳол фуқаро даражасида истеъмол қилса, инсониятга тахминан 5,8 та сайёра керак бўлар эди. Ушбу кўрсаткич Қатар фуқаросига нисбатан 4,8, америкаликка — 3,9, россияликка нисбатан эса 2 та сайёрага тенгдир.
«Арманистон, Индонезия, Перу, Марокко ва бошқа ўнлаб давлатлар аҳолиси эса Сайёра тақдим этганидан кўра камроқ манбалардан фойдаланади», — дейилади маърузада.
Ўзбекистон киши бошига тўғри келадиган атроф-муҳитга таъсир даражаси бўйича жаҳонда 89-ўринни, биосиғим бўйича эса 105-ўринни эгаллади.
Изоҳ (0)