Сўнгги янгиликлар
    • USD 12175.07
    • RUB 125.42
    • EUR 12831.31
    Маҳаллий

    Орол денгизининг шарқий қисми тўлиқ йўқолди

    13124

    АҚШнинг Миллий аэрокосмик тадқиқотлар бошқармаси (NASA)нинг Earth Observatory сайти Орол денгизининг сунъий йўлдош орқали олинган янги фотосуратларини эълон қилди. Бу ҳақда «Gazeta.uz» нашрига асосланиб, «Кун» хабар берди.

    Орол денгизи 2014 йил августида (қора чизиқ билан қирғоқнинг 1960 йилги тахминий чизиғи кўрсатилган). Фото: earthobservatory.nasa.gov / Gazeta.uz

    Орол денгизи 2014 йил августида (қора чизиқ билан қирғоқнинг 1960 йилги тахминий чизиғи кўрсатилган). Фото: earthobservatory.nasa.gov / Gazeta.uz

    «Gazeta.uz»нинг ёзишича, бу фотосуратларда Жанубий Орол денгизининг шарқий қисми тўлиқ қуриб қолганини кўриш мумкин. Нашрнинг қайд этишича, бундай ҳолат тарихда илк бор кузатилмоқда.

    Орол денгизи 2000 йил августида. Фото: earthobservatory.nasa.gov / Gazeta.uz

    Орол денгизи 2000 йил августида. Фото: earthobservatory.nasa.gov / Gazeta.uz

    Earth Observatory’нинг эслатишича, денгизнинг бу қисмидаги сув сатҳи, ёғингарчилик миқдорига қараб, йилдан йилга ўзгариб туради. Хусусан, 2009 йили Жанубий Оролнинг шарқий қисми деярли қуриган, бироқ 2010 йилда яна сув қайтганди.

    Орол денгизи 1964 йил августида. Фото: earthobservatory.nasa.gov / Gazeta.uz

    Орол денгизи 1964 йил августида. Фото: earthobservatory.nasa.gov / Gazeta.uz

    Ғарбий Мичиган университетининг Орол денгизини ўрганишга ихтисослашган мутахассиси, географ Филип Миклиннинг қайд этишича, денгизнинг бу қисми бу йил қуриб қолишига Помир тоғларига кам миқдорда ёмғир ва қор тушиб, Амударёдаги сув оқимининг сезиларли камайиши сабаб бўлган.

    Бундан ташқари, кўп миқдордаги сув ҳали ҳамон ирригация мақсадларида фойдаланилмоқда.