NBC телеканалининг Twitter-аккаунтида АҚШ Давлат департаменти раҳбари Жон Керри самолётнинг юк бўлмасида учиб келаётгани муҳрланган фотосурат пайдо бўлди, дея хабар бермоқда ntv.ru.
10 сентябрь, чоршанба куни у шу тариқа Ироқ ҳукумати билан музокаралар олиб бориш учун Иорданиядан Ироққа парвоз қилган.
Расмдан кўриниб турганидек, Керри ҳеч қандай ноқулайликларга учрамаган. «Давлат департаментидагилар ҳарбий транспорт самолёти борти хавфсизроқ, деган хулосага келишган шекилли», — деб ёзади нашр.
Таъкидлаш жоиз, Керри парвоз чоғида юклар устида ўтирмаган. Унга бу вақтда ишлаш учун стол ва кресло берилган.
Ушбу фотосурат интернетда шов-шувга сабаб бўлди. Ўз давлат котибларини бундай муҳитда кўришга ўрганмаган оддий америкаликлар унга янги Керри-Карго лақабини ўйлаб топишди.
Изоҳ (0)