Санкт-петербурглик рассом Пётр Павленский Владимир Путиннинг Украинага нисбатан хатти-ҳаракатларига норозилик белгиси сифатида Москвадаги Қизил майдонда ўзини осиб қўйди. Бу ҳақда Segodnya.ua хабар берди.
Ўз жонига қасд қилишга уринишдан аввал у россияликларни амалдаги ҳукуматга қарши бош кўтаришга чақирди.
Россия ОАВлари хабарига кўра, Пётр Павленский Қизил майдондаги Мақбарага кириш учун навбатда турган ва бошқа навбат кутувчилар билан Путиннинг хатти-ҳаракатлари бўйича баҳс-мунозара бошлаб юборган. Атрофдагилар ҳам уларга келиб қўшилиб, Украинадаги вазият ва президент олиб бораётган сиёсат ҳақида гапираётган Павленскийни диққат билан тинглаган. Сўнг у оломон ичидан чиқиб, яқин орадаги супачада олдиндан тайёрлаб қўйилган сиртмоқни бўйнига илади ва ўзини осади.
Бироқ тингловчилар Павленскийни тезлик билан илмоқдан чиқариб, «тез ёрдам» чақиради. Павленский шифохонага ётишдан бош тортди. Айни пайтда рассом тергов изоляторида сақланмоқда.
Изоҳ (0)