23—24 август кунлари Самарқандда Zo‘r-Zo‘r UCG 2014 э-спорти бўйича Ўзбекистон Чемпионатининг ҳудудий саралаш турнири бўлиб ўтди. Унда 120 дан ортиқ геймерлар иштирок этди. DotA Allstars ва FIFA14 ўйинларининг турнир натижалари бўйича ушбу ҳудуддан миллий финал иштирокчилари аниқланди. Бу ҳақда InfoCom.uz хабар берди.
DotA Allstars гуруҳ ўйини бўйича Самарқанддаги ҳудудий саралаш турнирида Жафар Рустамов, Шоолим Шораҳмедов, Бекзод Ботиров, Абдували Аҳмедов ва Рустам Қосимовлар иштирокидаги Lux (N.K.S.) гуруҳи биринчи ўринни эгаллади. Ғолиблар 20 сентябрь куни Тошкент шаҳрида бўлиб ўтадиган миллий финалга йўлланма олди.
24 август куни Самарқанд шаҳрида Zo‘r-Zo‘r UCG 2014 э-спорти бўйича Ўзбекистон Чемпионати ҳудудий саралаш босқичи доирасида FIFA14 ўйини бўйича турнир бўлиб ўтди. Биринчи ўрин ва 26 сентябрь куни Тошкентдаги ICTExpo — 2014 Халқаро кўргазмасининг бош саҳнасида бўлиб ўтадиган миллий финалга йўлланмани самарқандлик Дилшод Абдураҳманов қўлга киритди.
Эслатиб ўтамиз, бундан аввалги э-спорт бўйича Zo‘r-Zo‘r UCG 2014 Ўзбекистон чемпионатининг минтақавий саралаш турнирлари 16—17 август кунлари Бухорода бўлиб ўтган эди.
Изоҳ (0)