Ўзбекистон Республикаси Вазирлар Маҳкамасининг 2014 йил 14 августдаги Ёшлар маданият ва санъат марказини ташкил этиш тўғрисидаги 232-сон қарори Lex.uz сайтида эълон қилинди.
Унга кўра, Ёшлар маданият ва санъат маркази (Марказ) Маданият ва спорт ишлари вазирлиги муассислигида давлат унитар корхонаси шаклида ташкил этилади.
Қарорга мувофиқ, Ўзбекистон Республикаси Хусусийлаштириш, монополиядан чиқариш ва рақобатни ривожлантириш давлат қўмитаси, Маданият ва спорт ишлари вазирлиги, Тошкент шаҳар ҳокимлиги ва Ўзбекистон «Камолот» ёшлар ижтимоий ҳаракатининг Тошкент шаҳар, Юнусобод тумани, Мустақиллик шоҳ кўчаси, 2-уй манзилида жойлашган Ёшлар ижод саройи биноси, ундаги мебел ва жиҳозлар ҳамда моддий-техник воситалар билан биргаликда Ўзбекистон «Камолот» ёшлар ижтимоий ҳаракати Марказий Кенгашига тасарруф этиш ҳуқуқисиз бепул берилди.
Ёшлар ижод саройи биносида Марказни ижара тўловисиз жойлаштириш, шунингдек саройнинг концерт ва кўргазма заллари, хоналари, мебел ва жиҳозлари ҳамда моддий-техник воситаларидан бепул фойдаланиши тўғрисидаги таклифларга розилик берилди.
Қарорда Марказнинг тадбиркорлик фаолиятидан олинган даромадлар, муассиснинг бюджетдан ташқари маблағлари, юридик ва жисмоний шахсларнинг ҳомийлик хайриялари ҳамда қонун ҳужжатлари билан тақиқланмаган бошқа манбалар томонидан молиялаштирилиши белгилаб қўйилди.
Ўзбекистон Республикаси Алоқа, ахборотлаштириш ва телекоммуникация технологиялари давлат қўмитаси Марказнинг замонавий талабларга жавоб берадиган веб-сайтини яратишга кўмаклашади.
Тошкент шаҳар ҳокимлиги томонидан таъсис этилган «ЙOSҳЛАР ИЖОД САРОЙИНИ САҚЛАШ ВА ЭКСПЛУАТASIЯ ҚИЛИШ ДИРЕКЦИЙASI» давлат унитар корхонаси эса қонунчиликда белгиланган тартибда тугатилади.
Изоҳ (0)