Украинанинг юз нафар фуқароси, жумладан 25 ёш бола Ульяновскка ФВВ самолётида етиб келди. Аэропортда уларни тиббиёт ходимлари, руҳшунослар, ижтимоий ҳимоя ходимлари кутиб олди.
Euronews хабар беришича, Россия ҳудудидан вақтинча паноҳ топган бундай қочқинларнинг умумий сони 51 мингтадан ошган.
Донбассда эса Украина армияси айирмачилар назорати остида бўлган Луганск ва Донецкни олиш бўйича ҳужумларни давом эттирмоқда. Украина Миллий хавфсизлик ва мудофаа кенгаши хабарига кўра, август бошидан буён қамалда бўлган Луганскда юқумли касалликлар авж олиш хавфи бор. Яқинда Луганскдан 350 киши эвакуация қилинган.
Инсон ҳуқуқлари бўйича РФ вакили Элла Памфилова қочқинларга Украинада йўқотган мулкларини тўлаб бериши учун Европа судига даъво тайёрлашни тавсия қилди.
Изоҳ (0)