USM Holdings Ltd компанияси акцияларининг 10 фоизини ўз акциядори Алишер Усмоновдан сотиб олганини эълон қилди. Қимматли қоғозлар холдинг бошқарувчиларига тақсимлаб берилади. Бу ҳақда холдинг матбуот хизмати хабар берди. Битим нархи ошкор этилмаяпти.
Алишер Усмонов USM Holdings Ltd’нинг назорат қилувчи акциядорлигидан чиқади, бироқ у компаниянинг 48 фоиздан иборат энг йирик акциялар пакети эгаси бўлиб қолади. 10 фоиз акциялардан тушган даромадни Усмонов дунёнинг турли минтақаларида кон саноати, юқори технологиялар соҳаси ва медиа-контент ишлаб чиқаришга йўналтирмоқчи.
Компаниядагиларнинг айтишича, Алишер Усмонов ишдан четлашмоқчи эмас, унинг USM асосчиси сифатидаги роли асосий бўлиб қолади. USM Holdings Ltd эса бизнесменнинг энг йирик активи бўлиб қолади. Гуруҳни бошқариш ишини келажакда Директорлар кенгашининг ҳозирги раиси Фарҳод Моширий давом эттиради.
Изоҳ (0)