Бразилиянинг Сан-Паулу штатида бортида ушбу мамлакат президентлигига номзод Эдуарду Кампус бўлган самолёт ҳалокатга учради. Авиаҳалокат натижасида 49 ёшли сиёсатчи вафот этди, дея хабар берди ИТАР-ТАСС Бразилия телеканалларидан бирига таяниб.
Рио-де-Жанейродан учган «Цессна» самолёти Гуарульос аэропорти қўниш йўлагига кириш арафасида турар жой даҳасига қулаб тушди.
Келиб тушган хабарларга кўра, «Цессна» бортида бўлган жами етти киши, жумладан икки учувчи ҳалок бўлган. Сиёсатчига маслаҳатчи, фотосуратчи, оператор ҳамроҳлик қилган.
Аввалроқ Пернамбуку штатига раҳбарлик қилган Эдуарду Кампус жорий йилнинг октябрида бўлиб ўтадиган мамлакат президентлигига сайловларда ўз номзодини Бразилия социалистик партияси номидан қўймоқчи бўлган.
Бразилия президенти Дилма Руссеф Эдуарду Кампус вафоти муносабати билан мамлакатда уч кунлик мотам эълон қилди. Шу муддатга Руссеф сайловолди кампанияси доирасидаги барча тадбирлар бекор қилинди.
Изоҳ (0)