Грузия собиқ президенти Михаил Саакашвили янги айблов — давлат маблағлари камомади бўйича жавобгарликка тортилди. Бу ҳақда мамлакат Бош прокуратурасига таяниб, Newsgeorgia.ru хабар берди.
Гап Саакашвили буйруғи билан Грузия давлат махсус қўриқлов хизмати томонидан ноқонуний равишда сарфлаб юборилган 8,8 миллион лари (тахминан 5 миллион доллар) ҳақида бормоқда. Прокуратуранинг таъкидлашича, пуллар ошпаз, массажчи, меҳмонхона хизматлари, Италияда яхта ижараси учун сарфланган.
Айбловлар тасдиқланган ҳолда, Саакашвили 7 йилдан 11 йилгача озодликдан маҳрум этилиши мумкин.
Изоҳ (0)