Россия президенти Владимир Путин Россияга қарши иқтисодий санкциялар жорий этган мамлакатлардан қишлоқ хўжалиги маҳсулотлари, хомашё ва озиқ-овқат импорт қилишни тақиқлаш тўғрисидаги фармонни имзолади. Бу ҳақда Кремль матбуот хизматига таяниб, «Кун» хабар берди.
Хабар беришларича, ушбу тақиқ кучга кирган кунидан бошлаб бир йил амалда бўлади. Путин тақиқ остига тушадиган маҳсулотлар рўйхатини тузиб чиқиш ҳақида кўрсатма берган.
Slon.ru’нинг хабар беришича, АҚШ, Канада, Европа Иттифоқи мамлакатлари, Швейцария ва Япония Россияга нисбатан турли санкциялар жорий этган.
Қайд этишларича, Россия ҳукумати ушбу мамлакатлардан қишлоқ хўжалиги ва озиқ-овқат маҳсулотлари импорти чекланиши муносабати билан, Россиянинг ўзида ушбу маҳсулотлар қимматлашувини олдини олиш бўйича чоралар ишлаб чиқишга киришган.
Аввалроқ, Россиянинг назорат қилувчи органлари Руминиядан йирик шохли чорва, Греция ва Италиядан жониворлар, Польшадан мева ва сабзавотлар ҳамда Украинадан турли маҳсулотлар импортини тақиқлаб қўйганди.
Айни вақтда, «Ведомости» газетасининг хабар беришича, Путин томонидан имзоланган «санкцияларга жавоб» фармонида бир қатор истиснолар ҳам бор. Хусусан импорт тақиқи вино ва болалар озиқ-овқат маҳсулотларига татбиқ этилмайди.
Изоҳ (0)