АҚШнинг Иллинойс штати фуқароси супермаркетлардан бирида қадоқланган гўштларга игна солиб қўйгани учун қамалиши мумкин, дея хабар берди «РИА Новости».
68 ёшли Рональд Аверс гўшт маҳсулотларини қалбакилаштириш билан боғлиқ еттита ҳолат бўйича судланди. Уларнинг ҳар бири учун 10 йилгача қамоқ ва 250 минг долларгача жарима билан жазоланади.
Жиноят Сент-Луис шаҳридаги N Save супермаркетининг диққатли харидори шарофати билан очилди. У ўзи еган гўшт бўлагидаги игнани ютиб юборишига сал қолганини айтган.
Супермаркет вакилларининг таъкидлашича, ҳеч қайси ҳолат жиддий жароҳатларга олиб келмаган.
Федерал Қидирув Бюроси гўштга игна солиб қўйиш билан боғлиқ ҳолат супермаркетда дастлаб ўтган йилнинг май ойида кузатилганини айтиб ўтди. Шундан сўнг бундай ҳолатлар яна олти марта қайд этилган.
Дўкон соқчилари кузатув камераси ёрдамида гумондорни аниқлашга муваффақ бўлишди ва дарҳол ФҚБга мурожаат қилишди.
Гумондорнинг машинасидан бир қути игна топилган. Тергов чоғида Аверс гўшт маҳсулотларига нима учун игна санчиб қўйганига изоҳ берар экан : «Мен буни шунчаки қилди. Тўғри, бу аҳмоқона иш, бироқ мен ҳеч кимга зиён етказмоқчи эмас эдим», — деди.
Изоҳ (0)