Samsung Galaxy S3 Neo Ўзбекистонда 950 минг сўмдан сотувга чиқди

Ўзбекистонда Samsung Galaxy S3 Neo — Galaxy S3 телефонининг модификацияланган талқини сотила бошлади. Бу ҳақда Mobinfo.uz хабар берди.

Маълум бўлишича, ушбу смартфон Ҳиндистон бозори учун махсус чиқарилган. У Galaxy S3’дан бирйўла иккита SIM-карта билан ишлай олиши томонидан ажралиб туради.

Samsung Galaxy S3 Neo 4,8 дюймли 1280×720 пикселли экран, 4 ядроли 1,2 ГГц частотали процессор, 1,5 Гб тезкор ва 16 Гб ички хотира (+ microSD) ҳамда 1,9 ва 8 мегапикселли иккита камерага эга.

Телефон Android 4.4.2 KitKat операцион тизимида ишлайди.

Тошкентдаги «Флешка» савдо мажмуасида Galaxy S3 Neo 950 минг сўмдан сотилмоқда. Таққослаш учун, оддий Galaxy S3’ни 990 минг сўмга харид қилиш мумкин.